Hámarkslengd stuttmyndar er 3 mínútur og hver skóli getur einungis sent þrjár stuttmyndir. Lagt er upp með að umfjöllunarefni stuttmyndanna sé eitthvað af eftirfarandi: Tæling, nektarmynd, samþykki eða slagsmál ungmenna. Nemendur hafa frjálsar hendur með handritagerð, kvikmyndatöku og eftir vinnslu. Nemendur af erlendum uppruna, hinsegin og fatlaðir nemendur eru sérstaklega hvattir til að taka þátt. Mikilvægt er að huga að uppbyggilegri nálgun og beina sjónum að lausnum.

Tekið er á móti stuttmyndum í gegnum innsendingargátt Sexunnar á vef Neyðarlínunnar sem opnar 3. febrúar og er opin til 8. apríl 2025. Myndirnar skuli vera merktar nafni skóla, nafni stuttmyndar og heiti bekkjarins. Dómnefnd skipuð fulltrúum ungmennaráðs, RÚV, MMS og fulltrúa kvikmyndagerðar munu svo velja þrjár bestu myndirnar sem verða kynntar á vef UngRÚV.

Kjarni verkefnisins er að ungt fólk fræði ungt fólk. Þau eru best til þess fallin að varpa ljósi á þeirra veruleika og hvar helstu áskoranirnar leynast í daglegu lífi ungmenna. Verðlaunamyndirnar verða sendar í alla grunnskóla landsins sem fræðsluefni um stafrænt ofbeldi og nýtast þannig þeim skólum sem ekki taka þátt sem og komandi kynslóðum.

Sexan er nú haldin í þriðja sinn. Sigurvegari Sexunnar 2023 var Selásskóli með stuttmyndina „Friend Request“ og sigurvegari Sexunnar 2024 var Smáraskóli með myndina „Vinir í raun“. Þær stuttmyndir sem hlutu 1.-3. verðlaun í fyrri keppnum má finna bæði á Youtube rás Neyðarlínunnar og á vef Neyðarlínunnar: 112.is/sexan. Þar má einnig finna frekari fræðslu um viðfangsefnin, innsendingargáttina og góð ráð fyrir stuttmyndagerð.

Boðið verður upp á upplýsingafund fyrir áhugasöm um þátttöku á fimmtudaginn 6. Febrúar kl. 14.30. Hér er hlekkur á fundinn. 

Sexan er forvarnar- og fræðsluverkefni breiðrar fylkingar samstarfsaðila sem láta sig heilsu og velferð ungmenna varða: Neyðarlínan, Reykjavíkurborg, Samband íslenskra sveitarfélaga, Jafnréttisstofa, Barna- og fjölskyldustofa, Heilsueflandi grunnskóli, Fjölmiðlanefnd, Samskiptafulltrúi íþrótta- og æskulýðsstarfs, Barnaheill, Ríkislögreglustjóri, Miðstöð mennta- og skólaþróunar og RÚV.

Í dag var opnað fyrir innsendingar í Sexuna, stuttmyndakeppni fyrir nemendur í 7. bekki í grunnskólum landsins.

Sexan stuttmyndakeppni 2025 er hafin

Vegna verkfalls Félags grunnskólakennara (FG) og Skólastjórafélags Íslands (SÍ)

Vegna verkfalls Félags leikskólakennara (FL) og

Vegna verkfalls Félags kennara og stjórnenda í tónlistarskólum (FT)

Hér er hægt að sækja um undanþágur frá verkfalli KÍ. 

Sambandið hefur gefið út leiðbeiningar til sveitarfélaga vegna verkfalls félagsmanna innan KÍ. Leiðbeiningarnar eru þríþættar og má finna hér að neðan. Þar má einnig finna eyðublað vegna undanþágubeiðna frá verkfalli KÍ.

Leiðbeiningar vegna verkfalls KÍ

Sambandið telur að verkföllin brjóti í bága við ákvæði laga nr. 94/1986 um kjarasamninga opinberra starfsmanna. Í ákvæðinu felst að verkfall skuli ná til allra starfsmanna stéttarfélags hjá sama vinnuveitanda. Að mati Sambandsins eru verkfallsaðgerðirnar ólögmætar enda taka þær ekki til allra starfsmanna í viðkomandi stéttarfélagi sem starfa hjá sama sveitar­félagi. Þar að auki telur Sambandið að verkföll KÍ feli í sér ólögmæta mismunun enda standi þau í vegi því að hluti leik- og grunnskólabarna fái notið grundvallarréttinda sinna til menntunar, fræðslu og velferðar. Gangi verkföllin t.a.m. gegn jafnræðis- og meðalhófsreglum. 

Sambandið hefur óskað eftir að málið fá flýtimeðferð fyrir Félagsdómi.

Samband íslenskra sveitarfélaga hefur höfðað mál fyrir Félagsdómi gegn Kennarasambandi Íslands og krefst þess að verkföll Kennarasambands Íslands, sem nú hafa skollið á að nýju, verði dæmd ólögmæt.

Reyna á lögmæti verkfallsaðgerða KÍ fyrir Félagsdómi

Góður árangur hefur náðst að undanförnu í átt að vistvænni mannvirkjagerð á Íslandi. Byggjum grænni framtíð (BGF) er samstarfsverkefni stjórnvalda og hagaðila byggingariðnaðarins um vistvænni mannvirkjagerð. Sambandið hefur frá upphafi verkefnisins árið 2020 átt sæti í verkefnastjórn BGF.

Í kjölfar kortlagningar á losun gróðurhúsalofttegunda frá mannvirkja- og byggingargeiranum á viðmiðunarári (2019-2020) var mótuð metnaðarfull aðgerðaáætlun og hefur náðst góður árangur við innleiðingu aðgerða. Verkefnastjórn BGF setti sér markmið um að ná að ljúka a.m.k. 40 aðgerðum fyrir árslok 2024 og það tókst sem er fögnuðarefni.

Sambandið er ábyrgt fyrir fjórum aðgerðum sem þegar hefur verið lokið, ein aðgerð er í endurmati og ein í vinnslu hjá Lánasjóði sveitarfélaga. Vinna er í gangi við uppfærslu og endurskoðun aðgerða og eru þrjár viðbótaraðgerðir á teikniborðinu sem Sambandið mun koma til með að bera ábyrgð á ásamt öðrum.

Hér eru dæmi um afurðir sem hafa komið út úr aðgerðum BGF sem tengjast sveitarfélögum:

Upptaka frá opnum fundi fyrir sveitarfélög um vottanir bygginga og græna hvata (aðgerðir 2.6 og 5.2.6)

Græn lán hjá Lánasjóði sveitarfélaga (aðgerði 6.6)

Verkefnastjórn BGF stefnir að því að ljúka eins mörgum aðgerðum og hægt er árið 2025 og er hægt að fylgjast með fréttum af framgangi vinnunnar hér.

Góður árangur hefur náðst að undanförnu í átt að vistvænni mannvirkjagerð á Íslandi í gegn um verkefnið Byggjum grænni framtíð þar sem Sambandið situr í verkefnastjórn.

Leitarniðurstöður

Árangur í átt að vistvænni mannvirkjagerð

Leitarniðurstöður

Ár­ang­ur í átt að vist­vænni mann­virkja­gerð

Árangur í átt að vistvænni mannvirkjagerð