Undanfarið hafa Umhverfis - og orkustofnun og Samband íslenskra sveitarfélaga, unnið að endurskoðun á Handbók um úrgangsstjórnun sveitarfélaga og er þeirri vinnu nú lokið.  Var ráðgjafar- og verkfræðifyrirtækinu VSÓ auk þess falið að endurskoða nokkur sniðmát vegna útboða vegna úrgangsþjónustu sem finna má sem viðauka við handbókina. Uppfær handbók, ásamt viðaukum, er nú aðgengileg á vef Umhverfis- og orkustofnunar.  

Handbókin er vegvísir sveitarfélaga í úrgangsmálum sem fjallar um þær stefnumótandi ákvarðanir sem sveitarfélög þurfa að taka í tengslum við úrgangsmál og þá lögbundnu þjónustu sem sveitarfélögum er skylt að veita. 

Breytingar frá fyrri útgáfu taka mið af uppfærðu laga- og reglugerðaumhverfi og reynslu sveitarfélaga. Þau mál sem hafa valdið erfiðleikum í úrgangsmálum eru skýrð nánar og viðaukar við handbókina hafa einnig verið uppfærðir. 

Meðal viðauka við handbókina má nefna sniðmát til notkunar við útboð á margvíslegri úrgangsþjónustu, t.d. hirðu heimilisúrgangs á lóðum og grenndarstöðvum, rekstri grenndarstöðva o.fl. Einnig er að finna í handbókinni uppfærð sniðmát fyrir samþykktir sveitarfélaga um úrgangsmál sem Sambandið hvetur sveitarfélög til að nota. 

Í uppfærðri handbók er fjallað skýrar en áður um ábyrgð sveitarstjórna á tölulegum markmiðum sem varða byggingar- og niðurrifsúrgang, sem og skyldur sveitarfélaga þegar kemur að meðhöndlun úrgangs sem inniheldur aukaafurðir dýra. 

Þann 18. mars var fulltrúum sveitarfélaga boðið á kynningu þar sem endurskoðuð handbók var kynnt af fulltrúum Umhverfis- og orkustofnunar og VSÓ. Finna má upptöku af fundinum hér.

Undanfarið hafa Umhverfis - og orkustofnun og Samband íslenskra sveitarfélaga, unnið að endurskoðun á Handbók um úrgangsstjórnun sveitarfélaga og er þeirri vinnu nú lokið.

Endurskoðun á Handbók um úrgangsstjórnun sveitarfélaga

Meðal þess sem þingið fjallaði um var innrás Rússland í Úkraínu, ofbeldi gegn konum í stjórnmálum og handtaka borgarstjóra Istanbúl og almenn hnignun lýðræðis í Tyrklandi.

Á þinginu var samþykkt ályktun þar sem stjórnvöld í Tyrklandi eru hvött til þess að leysa samstundis úr haldi borgarstjóra Istanbúl, Ekrem Imamoglu, en með handtöku hans er stjórn rúmlega 16 milljóna almennra borgara nú í höndum aðila sem ekki voru kosnir til þess að gegna æðsta embættis stærstu borgar Tyrklands. Þá kemur einnig fram í yfirlýsingu þingsins að frá 2016 hafa nær 150 borgar- og bæjasrstjórar í Tyrklandi verið reknir frá embættum sínum og þar með haft að engu vilja milljóna kjósenda í Tyrklandi.

Yfirlýsingu þingsins er að finna hér.

Sveitarstjórnarþing Evrópuráðsins er skipað kjörnum fulltrúum af sveitarstjórnarstigi í öllum 47 aðildarríkjum Evrópuráðsins. Ísland á þrjá fulltrúa á þinginu sem eru tilnefndir af stjórn Sambands íslenskra sveitarfélaga. Fulltrúar Íslands á þinginu að þessu sinni voru þau Hildur Björnsdóttir, Reykjavíkurborg, Jón Björn Hákonarson, formaður Sambandsins og Walter Fannar Kristjánsson, Flóahreppi.

Sveitarstjórnarþing Evrópuráðsins var haldið í Strassborg dagana 25.-27. mars. Þingið er eina stofnun sinnar tegundar í Evrópu sem hefur það hlutverk að fylgjast með og efla þróun lýðræðis í sveitarfélögum og héruðum í aðildarríkjum Evrópuráðsins.

Staða lýðræðis og mannréttinda til umræðu á Sveitarstjórnarþingi Evrópuráðsins

Þar gefst færi á að skoða helstu niðurstöður könnunarinnar, sem kynntar voru í frétt þann 6. desember síðastliðnum – sjá nánar í frétt hér til hliðar. 

Mælaborðið veitir innsýn í stöðu og þróun stafrænnar þjónustu sveitarfélaga um land allt.

Mælaborð könnunar á stafrænni stöðu sveitarfélaga, sem lögð var fyrir í byrjun sumars og var opin fram í október 2024, er nú aðgengilegt. 

Mælaborð stafrænnar stöðu sveitarfélaga nú aðgengilegt

Samkvæmt samningnum mun Gangverk stýra þróunarvinnu við endurhönnun upplýsingaveitunnar með það að leiðarljósi að auðvelda sveitarfélögum að standa skil á fjárhagsupplýsingum sínum og nýtingu þeirra við ákvarðanatöku. 

Upplýsingaveita sveitarfélaga er í dag hýst hjá Hagstofu Íslands. Í kjölfar endurhönnunar mun Sambandið taka yfir gagnasöfnun á fjárhagsupplýsingum sveitarfélaga frá Hagstofunni. Markmiðið með nýrri upplýsingaveitu er að styðja frekar við fjárhagsleg markmið sveitarfélaga og auðvelda þeim að skila inn gagnlegum upplýsingum. Um er að ræða upplýsingar um rekstur og fjárhag sveitarfélaga í samræmi við kröfur um færslu, framsetningu og skil á bókhaldi, fjárhagsáætlunum og ársreikningum sveitarfélaga.  

Þá er nýrri upplýsingaveitu ætlað auka sjálfvirkni í skilum, bæta gæði fjárhagsupplýsinga og samanburðarhæfni þeirra. Einnig stefnt að auka skilatíðni og bæta endurgjöf til sveitarfélaga.  Sambandið vill með þessu verkefni styðja enn frekar við sveitarfélögin til að tryggja sjálfbærni í rekstri og ábyrgri stýringu fjármála.  

Gangverk er íslenskt hugbúnaðarhús sem leggur áherslu á nýsköpun, gæði og lausnir sem hjálpa viðskiptavinum þess að ná árangri á stafrænum vettvangi. Gangverk smíðar notendavænar og öflugar stafrænar lausnir fyrir fjölbreyttan hóp viðskiptavina um allan heim. Hjá Gangverk starfa um 200 starfsmenn viðsvegar um heiminn og hefur hlotið margvíslegar alþjóðlegra viðurkenninga fyrir framúrskarandi starf.  

Arnar Þór Sævarsson, framkvæmdastjóri Sambands íslenskra sveitarfélaga og Ása Rún Björnsdóttir, rekstrarstjóri Gangverks, skrifuðu í dag undir samning um endurhönnun á upplýsingaveitu sveitarfélaga.

Leitarniðurstöður

Skrifa undir samning um endurhönnun á upplýsingaveitu sveitarfélaga

Leitarniðurstöður

Skrifa und­ir samn­ing um end­ur­hönn­un á upp­lýs­inga­veitu sveit­ar­fé­laga

Skrifa undir samning um endurhönnun á upplýsingaveitu sveitarfélaga