Áður höfðu félagsmenn LSS fellt kjarasamning sem undirritaður var 5. febrúar s.l.

Þessi samningur er í samræmi við þá samninga sem gerðir hafa verið við aðila á vinnumarkaði á þessu ári og hækka laun í samræmi við þær hækkanir á samningstímanum.

Nú fer í hönd kynning á og atkvæðagreiðsla um kjarasamninginn meðal félagsmanna LSS. Niðurstaða atkvæðagreiðslu um samninginn mun liggja fyrir þann 1. apríl n.k.

Þann 24. mars 2025 undirrituðu samninganefndir Sambands íslenskra sveitarfélaga og Landssamband slökkviliðs- og sjúkraflutningamanna (LSS) kjarasamning sem gildir frá 1. apríl 2024 til 31. mars 2028.

Kjarasamningur við LSS undirritaður

„Fyrir hönd stjórnar Sambands Íslenskra Sveitarfélaga vill ég þakka Heiðu Björg Hilmisdóttir fyrir gott samstarf í stjórn á kjörtímabilinu nú þegar hún lætur af formennsku og stjórnarsetu. Stjórn Sambandsins hefur tekist á við mörg og stór verkefni á þessu kjörtímabili bæði út á við sem og inn á við. Í þeim störfum hefur reynt á samstarfið við stjórnarborðið en oftast hefur náðst sameiginleg niðurstaða sem er fyrir öllu í störfum stjórnar þess. Eina pólitíkin sem á að reka við það stjórnarborð er sveitarstjórnarpólitík en ekki flokkapólitík. Flokkapólitík á sinn vettvang heima í sveitastjórnum en Sambandið þarf að gæta hagsmuna sveitarfélaganna og í því þarf stjórn að vera samstillt í störfum sínum og hefur það, og verður, áfram haft að leiðarljósi í störfum hennar. Heilt yfir hefur góð samvinna og samstarf ríkt í stjórn Sambandsins, þrátt fyrir hökt í þeim efnum síðustu vikur, sem nú eru að baki og samstillt höldum við nú til starfa áfram út kjörtímabilið fyrir hag sveitarfélaganna í landinu.

Vill ég því endurtaka þakkir frá stjórn til Heiðu fyrir samstarfið og óskum við henni velfarnaðar í nýju starfi."

Á Landsþingi Sambandsins í gær flutti Jón Björn Hákonarson, nýr formaður Sambandsins, kveðju til Heiðu Bjargar Hilmisdóttur, fráfarandi formanns, frá stjórn Sambandsins.

Kveðja til fráfarandi formanns frá stjórn

Heiða Björg Hilmisdóttir, formaður Sambands íslenskra sveitarfélaga, setti landsþingið, sem var jafnframt hennar síðasta sem formaður en hún tók þá ákvörðun að hætta sem formaður í kjölfar þess að hafa tekið við sem borgarstjóri í Reykjavík. Í ávarpi sínu fór Heiða yfir helstu verkefni í sinni formannstíð og má þar nefna umfangsmiklar skipulagsbreytingar á Sambandinu, samstarfssamninga við umhverfisráðuneytið um hringrásarhagkerfi og lofslagsmál, mennta- og barnamálaráðuneytið um Frigg - nýjan gagnagrunn utan um skráningu upplýsinga um nemendur í leik-, grunn- og framhaldsskóla, og dómsmálaráðuneytið um samstarf á sviði almannavarna.

Heiða Björg fjallaði einnig um tvo áfangasigra í málefnum fatlaðs fólks, en alls hækkuðu framlög til sveitarfélaga í málaflokknum undanfarin tvö ár um 12 milljarða króna í kjölfar breytingar á fjárhagsramma þjónustu sveitarfélaga við fatlað fólk, sem er um 2% af heildartekjum sveitarfélagastigsins.

 Þá fór Heiða Björg yfir samkomulag ríkisins við Samband íslenskra sveitarfélaga sem undirritað var í gær. Annars vegar um breytta ábyrgðarskiptingu í málefnum barna með fjölþættan vanda og hins vegar um uppbyggingu hjúkrunarheimila. Í samkomulaginu felst að ríkið tekur að sér framkvæmd og ber ábyrgð á fjármögnun sérhæfðrar þjónustu við börn með fjölþættan vanda sem búsett eru utan heimilis, og sagði Heiða meðal annars að þau börn sem um ræðir hafi miklar stuðningsþarfir og að það sé er gríðarlega mikilvægt að þessi viðkvæmi hópur fái þjónustu við hæfi og jafnræðis sé gætt til að veita slíka þjónustu. Þá munu sveitarfélög bera ekki lengur 15% stofnkostnaðar hjúkrunarheimila og þeim verður heimilt að innheimta gatnagerðargjöld. Sagði Heiða að undanfarin ár hafi byggst upp of fá hjúkrunarrými og að sveitarfélög muni áfram vinna með ríkinu að því að greiða fyrir uppbyggingu enda gríðarlega mikilvægt fyrir íbúa sveitarfélaga að hafa aðgang að þessari mikilvægu heilbrigðisþjónustu.

Ásthildur Lóa Þórsdóttir, mennta- og barnamálaráðherra, og Eyjólfur Ármannsson, samgöngu- og sveitarstjórnarráðherra, ávörpuðu þingið. Þau áttu svo samtal um sveitarstjórnarmál, ásamt Heiðu Björg, sem Þórdís Valsdóttir fjölmiðlakona stýrði.  

Eftir hádegi hélt Saga Guðmundsdóttir, aðalhagfræðingur Sambandsins erindi um áhrif kjarasamninga á fjármál sveitarfélaga. Árni Sverrir Hafsteinsson, sérfræðingur hjá Jöfnunarsjóði sveitarfélaga fór svo yfir væntanlegar breytingar á jöfnunarsjóði. 

Jón Björn Hákonarson, varaformaður Sambandsins, flutti lokaávarp á Landsþinginu og þakkaði hann Heiðu Björg fyrir góð störf í þágu sveitarfélaga landsins. Færði hann Heiðu Björg blóm fyrir vel unnin störf og gott samstarf.

Landsþing sveitarfélaga fór fram á Hilton Reykjavík Nordica í dag. Landsþing hefur æðsta vald í málefnum Sambands íslenskra sveitarfélaga og kemur saman árlega, að jafnaði í mars eða apríl. Kjörnir fulltrúar sveitarfélaga um allt land ræða á landsþingi þau málefni sem helst brenna á sveitarfélögunum.

Heiða Björg kveður Sambandið á fertugasta landsþingi sveitarfélaga

Markmiðið með nýjum vef Sambandsins var að bæta aðgengi upplýsinga bæði fyrir starfsmenn sveitarfélaga sem og almenning. Mikil áhersla var lögð á góða virkni leitar, vefurinn átti að mæta nútímakröfum varðandi útlit og skölun ásamt því að tengjast ytri þjónustum við birtingu gagna.

Efnið sem notendur leita eftir á vefnum er fjölbreytt og umfangsmikið. Því var lögð áhersla á að einfalda leiðarkerfi vefsins (e. navigation) til að geta miðlað efni á einfaldan og hnitmiðaðan hátt. Samhliða þessari vinnu fékk vörumerki Sambandsins upplyftingu með ferskari litapallettu, nútímalegra leturvali og fallegum myndum, sem vefsíðan endurspeglar.

Nýr vefur Samband íslenskra sveitarfélaga

Nýr vefur Sambandsins sem unnin var af vefstofunni Norda, ásamt vefteymi Sambandsins, hefur verið tilnefndur til íslensku vefverðlaunanna sem opinber vefur ársins. Verðlaunin verða veitt við hátíðlega athöfn föstudaginn 21. mars 2025 í Grósku. 

Leitarniðurstöður

Nýr vefur Sambandsins tilnefndur til íslensku vefverðlaunanna

Leitarniðurstöður

Nýr vef­ur Sam­bands­ins til­nefnd­ur til ís­lensku vef­verð­laun­anna

Nýr vefur Sambandsins tilnefndur til íslensku vefverðlaunanna