Íslensk samfélög búa yfir mikilli seiglu, ekki síst gagnvart áföllum, líkt og í mannskæðum snjóflóðum á Flateyri og í Súðavík 1995 og í Neskaupstað 1974. En hvað er það sem myndar seiglu í samfélagi og virkar verndandi þegar náttúruhamfarir dynja yfir? Á málþinginu verður sjónum beint að samfélögum á hættusvæðum, öryggi á vegum, uppbyggingu á ofanflóðavörnum í landinu og þeim áhrifum sem sú uppbygging hefur á þróun byggða. Einnig verður fjallað um endurskoðun á mögulegri hættu undir varnargörðum og þann lærdóm sem dreginn hefur verið af snjóflóðunum sem féllu á varnargarða á Flateyri í janúar 2020, þar sem hluti flóðanna barst yfir garðana, og í Neskaupstað í mars 2023 þar sem snjóflóð lentu á varnargörðum og keilum.

Harpa Grímsdóttir, deildarstjóri ofanflóðadeildar Veðurstofu Íslands, 

Elías Pétursson, formaður Ofanflóðanefndar, 

Þóroddur Bjarnason, prófessor við HÍ, 

Halla Ólafsdóttir, dagskrárgerðarmaður á Ísafirði, 

Magni Hreinn Jónsson, fagstjóri ofanflóðahættumats hjá Veðurstofu Íslands, 

Bergþóra Kristinsdóttir, framkvæmdastjóri þjónustusviðs Vegagerðarinnar, 

Edda Björk Þórðardóttir, dósent við Læknadeild HÍ og klínískur sálfræðingur, 

Rögnvaldur Ólafsson, aðstoðaryfirlögregluþjónn og 

Hlynur Hafberg Snorrason, yfirlögregluþjónn hjá lögreglunni á Vestfjörðum. 

Þá munu fyrrverandi framkvæmdastjórar sveitarfélaga fara yfir áskoranir sveitarfélaga vegna ofanflóðahættu fyrr og nú.

Skipuleggjendur málþingsins eru Ofanflóðasjóður, Veðurstofa Íslands, Vegagerðin, Almannavarnir, Samband íslenskra sveitarfélaga, Byggðastofnun, Verkfræðingafélag Íslands og Snjóflóðasamtök Íslands.

Heimasíða málþingsins með frekari upplýsingum er Ofanflóð 2025 – Málþing um snjóflóð og samfélög

Opnað verður fyrir skráningu í byrjun mars. Þar verður tekið á móti bókunum á málþingið, í gistingu, skoðunarferð og kvöldverð. Áhugasamir eru hvattir til þess að bóka strax flug.

Málþing  um snjóflóð og samfélög verður haldið í Edinborgarhúsinu á Ísafirði dagana 5.-6. maí 2025.

Snjóflóð og samfélag

Hin árlega stafræna ráðstefna Samband íslenskra sveitarfélaga verður haldin þann 10. júní 2025. Að venju verður fróðlegt efni og erindi um stafræn mál sveitarfélaga sem starfsmenn, kjörnir fulltrúar og aðrir áhugasmir ættu ekki að láta fram hjá sér fara. 

Ráðstefnan verður á Hilton hótelinu við Suðurlandsbraut. Gert er ráð fyrir að ráðstefnan byrji kl.13:00 og ljúki upp úr kl.16:00. 

Dagskrá og skráning verður auglýst þegar nær dregur.

Stafræn ráðstefna sveitarfélaga

Þann 11. júní 2025 eru 80 ár frá stofnþingi Sambands íslenskra sveitarfélaga og mun Sambandið fagna afmælinu með ýmsum hætti á árinu og varpi þannig ljósi á mikilvægi þess fyrir íslensk sveitarfélög og samfélag í gegnum árin. Horft verður til þess að hafa dagskrá fjölbreytta og verða sérstakir afmælisviðburðir haldnir með reglulegu millibili út árið. 

80 ára afmælisráðstefna verður haldin þann 11. júní. Takið daginn frá. Dagskrá verður auglýst þegar nær dregur en hægt er að skrá þátttöku hér að neðan. Athugið að frítt er á ráðstefnuna. 

80 ára afmælisráðstefna Sambandsins

Öldrunarráð Íslands eru regnhlífasamtök þeirra sem starfa að hagsmunum aldraðra hér á land. Að Öldrunarráði Íslands eiga því aðild samtök, félög, fyrirtæki og stofnanir, þar með talið sveitarfélög, sem vinna að málefnum aldraðra. Eru aðilar nú alls 32. Markmið Öldrunarráðs Íslands er að vinna að bættum hag aldraðra.

Fulltrúi Sambandsins í Öldrunarráði er María Kristjánsdóttir félagsþjónustufulltrúi. 

Dagskrá fundarins á vef Öldrunarráðs. 

Aðalfundur og ráðstefna Öldrunarráðs Íslands fer fram í Laugarásbíói fimmtudaginn 15. maí nk. kl. 11:00-15:00. Yfirskrift fundarins er Haust og hress. Þátttökugjald er 3.000 krónur. 

Leitarniðurstöður

Hraust og hress