Sam­ein­að sveit­ar­fé­lag mun heita Vest­ur­byggð

Undirbúningsstjórn um sameiningu sveitarfélaganna samþykkti síðastliðinn vetur að kallað yrði eftir tillögum frá íbúum um nafn á nýtt sveitarfélag. Af þeim yrðu valdar nokkrar tillögur og þær sendar til örnefnanefndar til umsagnar. Í kjölfarið myndi ný bæjarstjórn vinna málið áfram.

Alls bárust 111 tillögur að 48 nöfnum. Nafnið Vesturbyggð var oftast lagt til, það er 53 sinnum, Tálknabyggð þar á eftir sex sinnum og Látrabyggð fjórum sinnum. Öll önnur nöfn voru aðeins lögð til til einu sinni eða tvisvar sinnum.

Örnefnanefnd mælti með sjö nöfnum:

• Barðsbyggð
• Kópsbyggð
• Látrabyggð
• Látrabjargsbyggð
• Suðurfjarðabyggð
• Tálknabyggð
• Vesturbyggð

Bæjarstjórn nýs sveitarfélags lagði umsögnina fyrir á fyrsta fundi sínum þar sem lagt var til að unnin yrði skoðanakönnun meðal íbúa um nafn á nýtt sveitarfélag þar sem kosið yrði á milli nafnanna sem Örnefnanefnd mælti með að undanskildu nafninu Látrabjargsbyggð.

Könnunin stóð yfir dagana 11.-17. júní og tóku 347 íbúar þátt. Niðurstöður könnunarinnar voru:

• Vesturbyggð, atkvæði 314, hlutfall 90,5%
• Suðurfjarðabyggð, atkvæði 19, hlutfall 5,5%
• Tálknabyggð, atkvæði 7, hlutfall 2,0%
• Látrabyggð, atkvæði 4, hlutfall 1,2%
• Barðsbyggð, atkvæði 2, hlutfall 0,6%
• Kópsbyggð, atkvæði 1, hlutfall 0,3%

Á 2. fundi bæjarstjórnar var samþykkt í ljósi fyrrgreindra gagna að nýtt sameinað sveitarfélag hljóti nafnið Vesturbyggð.