„Fyrir hönd stjórnar Sambands Íslenskra Sveitarfélaga vill ég þakka Heiðu Björg Hilmisdóttir fyrir gott samstarf í stjórn á kjörtímabilinu nú þegar hún lætur af formennsku og stjórnarsetu. Stjórn Sambandsins hefur tekist á við mörg og stór verkefni á þessu kjörtímabili bæði út á við sem og inn á við. Í þeim störfum hefur reynt á samstarfið við stjórnarborðið en oftast hefur náðst sameiginleg niðurstaða sem er fyrir öllu í störfum stjórnar þess. Eina pólitíkin sem á að reka við það stjórnarborð er sveitarstjórnarpólitík en ekki flokkapólitík. Flokkapólitík á sinn vettvang heima í sveitastjórnum en Sambandið þarf að gæta hagsmuna sveitarfélaganna og í því þarf stjórn að vera samstillt í störfum sínum og hefur það, og verður, áfram haft að leiðarljósi í störfum hennar. Heilt yfir hefur góð samvinna og samstarf ríkt í stjórn Sambandsins, þrátt fyrir hökt í þeim efnum síðustu vikur, sem nú eru að baki og samstillt höldum við nú til starfa áfram út kjörtímabilið fyrir hag sveitarfélaganna í landinu.

Vill ég því endurtaka þakkir frá stjórn til Heiðu fyrir samstarfið og óskum við henni velfarnaðar í nýju starfi."

Á Landsþingi Sambandsins í gær flutti Jón Björn Hákonarson, nýr formaður Sambandsins, kveðju til Heiðu Bjargar Hilmisdóttur, fráfarandi formanns, frá stjórn Sambandsins.

Kveðja til fráfarandi formanns frá stjórn

Heiða Björg Hilmisdóttir, formaður Sambands íslenskra sveitarfélaga, setti landsþingið, sem var jafnframt hennar síðasta sem formaður en hún tók þá ákvörðun að hætta sem formaður í kjölfar þess að hafa tekið við sem borgarstjóri í Reykjavík. Í ávarpi sínu fór Heiða yfir helstu verkefni í sinni formannstíð og má þar nefna umfangsmiklar skipulagsbreytingar á Sambandinu, samstarfssamninga við umhverfisráðuneytið um hringrásarhagkerfi og lofslagsmál, mennta- og barnamálaráðuneytið um Frigg - nýjan gagnagrunn utan um skráningu upplýsinga um nemendur í leik-, grunn- og framhaldsskóla, og dómsmálaráðuneytið um samstarf á sviði almannavarna.

Heiða Björg fjallaði einnig um tvo áfangasigra í málefnum fatlaðs fólks, en alls hækkuðu framlög til sveitarfélaga í málaflokknum undanfarin tvö ár um 12 milljarða króna í kjölfar breytingar á fjárhagsramma þjónustu sveitarfélaga við fatlað fólk, sem er um 2% af heildartekjum sveitarfélagastigsins.

 Þá fór Heiða Björg yfir samkomulag ríkisins við Samband íslenskra sveitarfélaga sem undirritað var í gær. Annars vegar um breytta ábyrgðarskiptingu í málefnum barna með fjölþættan vanda og hins vegar um uppbyggingu hjúkrunarheimila. Í samkomulaginu felst að ríkið tekur að sér framkvæmd og ber ábyrgð á fjármögnun sérhæfðrar þjónustu við börn með fjölþættan vanda sem búsett eru utan heimilis, og sagði Heiða meðal annars að þau börn sem um ræðir hafi miklar stuðningsþarfir og að það sé er gríðarlega mikilvægt að þessi viðkvæmi hópur fái þjónustu við hæfi og jafnræðis sé gætt til að veita slíka þjónustu. Þá munu sveitarfélög bera ekki lengur 15% stofnkostnaðar hjúkrunarheimila og þeim verður heimilt að innheimta gatnagerðargjöld. Sagði Heiða að undanfarin ár hafi byggst upp of fá hjúkrunarrými og að sveitarfélög muni áfram vinna með ríkinu að því að greiða fyrir uppbyggingu enda gríðarlega mikilvægt fyrir íbúa sveitarfélaga að hafa aðgang að þessari mikilvægu heilbrigðisþjónustu.

Ásthildur Lóa Þórsdóttir, mennta- og barnamálaráðherra, og Eyjólfur Ármannsson, samgöngu- og sveitarstjórnarráðherra, ávörpuðu þingið. Þau áttu svo samtal um sveitarstjórnarmál, ásamt Heiðu Björg, sem Þórdís Valsdóttir fjölmiðlakona stýrði.  

Eftir hádegi hélt Saga Guðmundsdóttir, aðalhagfræðingur Sambandsins erindi um áhrif kjarasamninga á fjármál sveitarfélaga. Árni Sverrir Hafsteinsson, sérfræðingur hjá Jöfnunarsjóði sveitarfélaga fór svo yfir væntanlegar breytingar á jöfnunarsjóði. 

Jón Björn Hákonarson, varaformaður Sambandsins, flutti lokaávarp á Landsþinginu og þakkaði hann Heiðu Björg fyrir góð störf í þágu sveitarfélaga landsins. Færði hann Heiðu Björg blóm fyrir vel unnin störf og gott samstarf.

Landsþing sveitarfélaga fór fram á Hilton Reykjavík Nordica í dag. Landsþing hefur æðsta vald í málefnum Sambands íslenskra sveitarfélaga og kemur saman árlega, að jafnaði í mars eða apríl. Kjörnir fulltrúar sveitarfélaga um allt land ræða á landsþingi þau málefni sem helst brenna á sveitarfélögunum.

Heiða Björg kveður Sambandið á fertugasta landsþingi sveitarfélaga

Þjónusta við börn með fjölþættan vanda flyst til ríkisins

Daði Már Kristófersson, fjármála- og efnahagsráðherra, Ásthildur Lóa Þórsdóttir, mennta- og barnamálaráðherra, Heiða Björg Hilmisdóttir, formaður Sambands íslenskra sveitarfélaga og Arnar Þór Sævarsson framkvæmdastjóri Sambandsins, undirrituðu samkomulag um breytta ábyrgðaskiptingu ríkis og sveitarfélaga í málefnum barna með fjölþættan vanda. Í samkomulaginu felst að ríkið tekur að sér framkvæmd og ber ábyrgð á fjármögnun sérhæfðrar þjónustu við börn með fjölþættan vanda sem búsett eru utan heimilis. Fyrirkomulag og innihald þjónustu við börn með fjölþættan vanda hefur lengi verið umfjöllunarefni í samskiptum ríkis og sveitarfélaga og er breytt ábyrgðaskipting í samræmi við tillögur starfshóps á vegum félags- og vinnumarkaðsráðherra sem birtar voru í áfangaskýrslu í september 2024. Börnin sem um ræðir hafa miklar stuðningsþarfir og þarfnast meðal annars tímabundinnar vistunar utan heimilis þar sem veitt er meðferð vegna vanda barns. Það er gríðarlega mikilvægt að þessi viðkvæmi hópur fái þjónustu við hæfi og jafnræðis sé gætt til að veita slíka þjónustu. 

Kostnaðarþátttaka sveitarfélaga í uppbyggingu hjúkrunarheimila felld brott

Daði Már Kristófersson, fjármála- og efnahagsráðherra, Inga Sæland, félags- og húsnæðismálaráðherra , Alma Möller heilbrigðisráðherra, Heiða Björg Hilmisdóttir, formaður Sambands íslenskra sveitarfélaga og Arnar Þór Sævarsson framkvæmdastjóri Sambands íslenskra sveitarfélaga undirrituðu samkomulag vegna uppbyggingar hjúkrunarheimila. Í því felst að sveitarfélög bera ekki lengur 15% stofnkostnaðar hjúkrunarheimila og þeim verður heimilt að innheimta gatnagerðargjöld. Þegar sveitarfélög úthluta lóðum undir hjúkrunarheimili verður það áfram gert án lóðarleigu og án byggingarréttargjalda. Settur verður á fót stýrihópur sem falið verður að útfæra nánar skiptingu á eldri hjúkrunarheimilum milli ríkis og sveitarfélaga en gengið er út frá því að þar sem um sameiginlegt eignarhald ríkis og sveitarfélaga er að ræða muni eignarhlutur sveitarfélags í hjúkrunarheimilum færast yfir til ríkis, með sama hætti og þegar eignir ríkisins hafa færst til sveitarfélaga vegna breyttrar verkaskiptingar.

Breytt ábyrgðarskipting í málefnum barna með fjölþættan vanda og við uppbyggingu hjúkrunarheimila felur ekki í sér breytingar á tekjustofnun sveitarfélaga né framlögum til Jöfnunarsjóðs sveitarfélaga.​ Um er að ræða aðgerðir til að einfalda verkaskiptingu milli ríkis og sveitarfélaga og styrkja fjárhag sveitarfélaga.

Heiða Björg Hilmisdóttir, formaður stjórnar Sambands íslenskra sveitarfélaga:  „Það er gleðilegt að ná samkomulagi um að ríkið taki yfir ábyrgð og framkvæmd á 3. stigs þjónustu við börn með fjölþættan vanda. Sveitarfélög hafa kallað eftir því  frá árinu 2010, bæði til að skýra verkaskiptingu en ekki síður til að tryggja að börn þessari viðkvæmu stöðu fái faglegan einstaklingmiðaðan stuðning og meðferð.  Það er samfélagslega mikilvægt að við eflum alla þjónustu og styrkjum umgjörð um börn í viðkvæmri stöðu og fjölskyldur þeirra.  Það er einnig stór áfangi að ná samkomulagi við ríkið um að sveitarfélögum beri ekki að greiða 15% af kostnaði við uppbyggingu hjúkrunarheimila. Undanfarin ár hafa byggst upp of fá hjúkrunarrými. Sveitarfélög munu áfram vinna með ríkinu að því að greiða fyrir uppbyggingu enda gríðarlega mikilvægt fyrir okkar íbúa að hafa aðgang að þessari mikilvægu heilbrigðisþjónustu."  

Kristrún Frostadóttir, forsætisráðherra: „Þetta samkomulag markar tímamót í tveimur mikilvægum málaflokkum. Við erum að höggva á hnútinn varðandi uppbyggingu hjúkrunarheimila og ættum því að geta spýtt í lófana og greitt fyrir framkvæmdum. Um leið bindum við enda á áratugadeilur um málefni barna með fjölþættan vanda. Við ætlum að taka til hendinni í þeim málaflokki og sýnum það meðal annars með þessu samkomulagi og fjármálaáætlun sem verður lögð fram seinna í þessum mánuði.“

Daði Már Kristófersson, fjármála- og efnahagsráðherra: „Það er ánægjulegt að samkomulag hefur náðst um skiptingu ábyrgðar í málefnum barna með fjölþættan vanda. Verkefni sem hefur lagt þungar byrðar á mörg sveitarfélög. Þá er ekki síður gleðilegt að geta rofið þá kyrrstöðu sem hefur verið í uppbyggingu hjúkrunarheimila og einfaldað samskipti ríkis og sveitarfélaga á því sviði. Samningarnir sem undirritaðir eru í dag fela í sér að sú togstreita sem ríkt hefur um ábyrgð í þessum mikilvægu málaflokkum er úr sögunni og sýnir í verki vilja þessarar ríkisstjórnar til þess að bæta og styrkja samskipti ríkis og sveitarfélaga.“

Samkomulag milli ríkis og sveitarfélaga um börn með fjölþættan vanda

Samkomulag milli ríkis og sveitarfélaga um ábyrgðarskiptingu á uppbyggingu hjúkrunarheimila

Í dag var undirritað samkomulag ríkisins við Samband íslenskra sveitarfélaga; annars vegar um breytta ábyrgðarskiptingu í málefnum barna með fjölþættan vanda og hins vegar um uppbyggingu hjúkrunarheimila. Breytingarnar eru liður í að einfalda verkaskiptingu milli ríkis og sveitarfélaga og styrkja fjárhag sveitarfélaga og taka gildi um mitt þetta ár.

Samkomulag í höfn milli ríkis og sveitarfélaga um uppbyggingu hjúkrunarheimila og þjónustu við börn með fjölþættan vanda

Jón Björn tekur við embættinu af Heiðu Björgu Hilmisdóttir, en hún tók þá ákvörðun að hætta sem formaður í kjölfar þess að hafa tekið við sem borgarstjóri í Reykjavík. Jón Björn var áður varaformaður frá árinu 2022.

Margrét Sanders, bæjarfulltrúi í Reykjanesbæ, var kjörinn varaformaður Sambandsins á sama fundi, en hún hefur setið í stjórn síðan árið 2022.

Hjálmar Sveinsson, borgarfulltrúi í Reykjavík, kemur nýr inn í stjórn í stað Heiðu Bjargar og Anna Sigríður Guðnadóttir, bæjarfulltrúi í Mosfellsbæ, kemur inn í stað Guðmundar Ara Sigurjónssonar sem sagði sig úr stjórn í kjölfar kjörs til Alþingis. Þá kemur Hildur Rós Guðbjargardóttir, bæjarfulltrúi í Hafnarfirði inn sem varamaður Önnu Sigríðar í stjórnina og Skúli Helgason, borgarfulltrúi í Reykjavík, sem varamaður Hjálmars. 

Jón Björn Hákonarson, forseti bæjarstjórnar í Fjarðarbyggð, er nýr formaður Sambands íslenskra sveitarfélaga. Hann var kjörinn á fundi stjórnar Sambandsins í kjölfar landsþings í dag. 

Leitarniðurstöður

Jón Björn Hákonarson nýr formaður Sambands íslenskra sveitarfélaga

Leitarniðurstöður

Jón Björn Há­kon­ar­son nýr for­mað­ur Sam­bands ís­lenskra sveit­ar­fé­laga

Jón Björn Hákonarson nýr formaður Sambands íslenskra sveitarfélaga