Fund­aði með sendi­nefnd frá Chengdu í Kína

Fundurinn er hluti af þriggja daga heimsókn sendinefndarinnar til Íslands, en hún hefur ferðast víða um land og meðal annars kynnt sér æðadúnsræktun á Snæfellsnesi og móttöku ferðamanna frá Kína.

Chen Zhiyong, aðstoðarborgarstjóri Chengdu, leiddi kínversku sendinefndina sem fékk kynningu á íslenskum sveitarfélögum og hlutverki þeirra í stjórnsýslu landsins. Í kjölfar kynningarinnar ræddu aðilar saman um tækifæri og áskoranir á sveitastjórnarstiginu.

Chengdu er fjórða stærsta borg Kína með tæplega 21 milljón íbúa, og er mikilvæg miðstöð viðskipta, fjármála, menningar og iðnaðar í vesturhluta landsins.